Vankuverdə yaşayan azərbaycanlılar izdihamlı aksiya keçiriblər

Vankuverdə yaşayan azərbaycanlılar izdihamlı aksiya keçiriblər

Vakıf Katılım

Diasporla İş üzrə Dövlət Komitəsindən bildiriblər ki, “Vancouver Art Gallery” meydanına toplaşan azərbaycanlılar və burada yaşayan türklər Azərbaycan və Türkiyə bayraqlarını dalğalandıraraq dövlətimizə və ordumuza dəstək olduqlarını nümayiş etdiriblər. Nümayişçilər Azərbaycan torpaqlarının işğaldan azad olunması, erməni təxribatlarının dayandırılması, beynəlxalq ictimaiyyətin diqqətinin Ermənistanın işğalçılıq siyasətinə cəlb edilməsi üçün haqq səsini ucaltdıqlarını bəyan ediblər.

Aksiyanın Kanadanın qanunları çərçivəsində icazəli şəkildə keçirilməsinə baxmayaraq, nümayişçilər son anda burada da ermənilərin təxribatı ilə üzləşib. Erməni quldurları meydana gələrək aksiyaya mane olmağa cəhd göstəriblər. Vankuverin azərbaycanlı icması erməni təxribatı ilə bağlı Kanada dövlətinə müraciət edib və aksiyanın keçirildiyi yerdə polislərin sayı daha da artırılıb. Aksiya insidentsiz başa çatıb.

Hibya Haber Ajansı